'Karbala walon ka ham dil se zikir karte hein

Yaad e Shabeir me ham aankhon ko tar rakhte hein

Kon lar sakta he lakhon se bhla yon tanha

Par jawanan e Ali asw aesa jigar rakhte hein

Laash farzand pe yon jate hein maqtal me Hussain asw

Ali Akbar k bulane pe nazar rakte hein

Tooq o zanjeer se he Hazrat Aabid asw ka ye haal

Nhi uthta he jhukaye howe sar rakhte hein

Jab k Zainab saw k pisar larte the kahte the adoo

Bachpana he abhi aur itne hunir rakhte hein

Khush nasebi he k ham sham o sahar ae "Eimaan"

Dil me apne gham e sarwar ka asar rakhte hein'